Agbabawikayo Kadagiti Basbasolyo ket Mamatikayo iti Naimbag a Damag

Agbabawikayo Kadagiti Basbasolyo ket Mamatikayo iti Naimbag a Damag

 

Kalpasan ti pannakaibalud ni Juan, napan ni Jesus idiay Galilea. Inkaskasabana ti Naimbag a Damag a naggapu iti Dios. “Dimtengen ti aldaw,” kinunana. “Asidegen ti Pagarian ti Dios. Agbabawikayo kadagiti basbasolyo ket mamatikayo iti Naimbag a Damag.” (San Marcos 1:14-15)

Asinnu ni Jesu-Cristo?

Ni Jesus ket naan-anay nga Diyos. Kunati Bibliya nga maymaysa laeng ti Diyos nga awan patenggana nga addaan talo nga persona — ti Ama, Anak, ken Espiritu Santo. Ni Jesus nga anak te Diyos isunga maikadua nga persona Trinidad.

Idi punganay, addan ti Sao, ket ti Sao kadua ti Dios, ket ti Sao, Dios. Manipud idi punganay, ti Sao kadua ti Dios. Pinarsua ti Dios dagiti isuamin babaen kenkuana. Ket awan ti naparsua no saan a gapu kenkuana (San Juan 1:1-3). Ta babaen kenkuana, pinarsua ti Dios dagiti amin nga adda idiay langit ken ditoy daga, dagiti makita ken saan a makita agraman dagiti naespirituan a pannakabalin; trono, panagturay, kinatan-ok ken bileg. Pinarsua ti Dios ti entero a lubong babaen kenkuana ken maipaay kenkuana. Addan ni Cristo sakbay a naparsua ti amin a banag, ket gapu kenkuana naurnosda iti lugarda iti pannakikaysada kenkuana (Taga-Colosas 1:16-17).  “Siak ti Alfa ken ti Omega, ti umuna ken ti maudi, ti pangrugian ken ti panungpalan.” kuna ni Apo Dios a Mannakabalin-amin, isu nga adda ita, adda idi ken umayto (Paltiing 1:822:13).

Ni Jesus ket naan-anay nga tao ngem saan nga nakabasul. Nupay addaan iti galad ti Dios, Dina inkankano ti pannakipadana kenkuana. Siaayat ketdi a nangibaba iti bagina Ket innalana ti kasasaad ti maysa nga adipen. Nagbalin a tao, nagparang iti nataoan a langa. Naiyanak nga tao babaen ti panagsikog ti birhen gapu ti Espiritu santo. Kas kadatayo, napadas iti amin a kita ti sulisog ngem saan a nagbasol. Nagtulnog isuna iti Ama ken nagbiyag iti nasantuan nga panagbiag. Ngamin, agtaeng ken Cristo a kas tao ti amin a galad ti Dios. Nagpakumbaba ket nagtulnog agingga ken ni patay, wen, uray iti ipapatayna iti krus. Natay ken naitabon ngem nagbiag iti maikatlo nga aldaw. Ni Apo Jesu- Cristo ket nagballaygi iti basul ken patay!

Gapu iti daytoy, intan-ok ti Dios iti kangatoan a saad, Ket intedna kenkuana ti nagan a natantan-ok ngem ti amin a nagan. Iti kasta, kas pammadayaw iti nagan ni Jesus, Agparintumeng dagiti amin a parsua sadi langit, ditoy daga ken iti uneg ti daga. Ket silalatak nga ipablaak ti amin a tao a ni Jesu-Cristo isu ti Apo, a pakaidaydayawan ti Dios Ama. (Taga-Filipos 2:6-11)

 

Anya iti Naimbag nga Damag iti Apo?

Nabayagen nga inkari ti Dios daytoy Naimbag a Damag a nailanad kadagiti Nasantoan a Sursurat. Inaramatna dagiti profeta a nangipakaammo iti daytoy. Daytoy Naimbag a Damag isu ti maipapan iti Anakna, ni Apotayo a Jesu-Cristo.

Ni Apo ket nasantuan. Santo ket naggapu iti sau nga “nailasin, wenno, naputed”. Ni Apo ket nailasin kadagiti isu amin nga managbasol ken dakes. Ni Apo ket saan nga maragsakan iti kinakillo; madina nga ipalubos nga adda agaramid iti kinadakes (Dagiti Salmo 5:4). Ni Apo ket saan pulos nga nagbasol ken saan na nga palabsen ti basul.

Ti Tao Managbasol. Nagbasol amin a tattao ket agkurangda iti kinadayag ti Dios. Kunati Bibliya nga: Awan ti uray maysa a nalinteg a tao, Awan ti uray maysa a makaawat, wenno mangbirok iti Dios. Pinanawanda ti Dios, nagbalinda amin a dakes. Awan ti uray maysa nga agaramid iti naimbag. (Taga-Roma 3:10-12). Managbasolkami amin; uray dagiti kasayaatan nga aramidmi mayarigda iti nakarugrugit a nisnis. Gapu kadagiti basolmi, mayarigkami iti nagango a bulong a mayang-angin.

Uray kasano a kina-imbag iti panagbiyag mo,uray no kasano kinasayaat iti ugali iti maysa nga tao,saan nga pulos dayta nga maka ited iti merito tayo ken Apo Dios,gapo ta ti kayat ni Apo Diyos nga makita kadatayo ket agbalin tayo kuma a perpekto,iti Panagsanto tayo,banag a saan tay nga pulos nga maaramid. Idi panawen nga iti tao nakaaramid iti basol ket naisina tayo a naminpinsan iti Diyos.

Ngem iti Diyos napudno. Ta patay ti supapak ti basol. (Taga-Roma 6:23). Daytoy nga ipapatay, kayat na sawen isu iti ipapatay nga naispirituwan. Ket gapo ta natay tayo a naispirituwan, natay met iti relasyon tayo ken Apo tayo a Diyos, ket dayta nga ipapatay isu iti panaka isina tayo ken Cristo. Dayta iti kasasaad tayo imbes kuma nga agbibiyag tayo iti agnanayon nga ayat kanyato ni Apo tayo a Diyos, madusadanto iti agnanayon a pannakadadael, ket maisinadanto iti sangoanan ti Apo ken iti dayag ti pannakabalinna. Daytoy iti pudno a nakaskasdaang a kasasaad iti tao. Nagbasol tayo isu rumbeng laeng nga madusa tayo kadagiti basol nga naaramidan tayo. Rumbeng laeng nga lak amen tayo iti dusa nga itid ni Apo kadatayo, gapo kadagita nga nagbasulan tayo.

Ngem gapo ta ni Apo Diyos isu ti Ayat. Ni Apo Diyos pudno nga naayat, ket gapo kadayta nga nagdakkel nga ayat na kadatayo. Isuna nga mismo iti nangited iti wagas ken waya tapno kasta makasubli tayo iti nasayaat nga pan nakirelasyon tayo kenkuwana. Ngem impakita ti Dios ti ayatna kadatayo: Idi managbasoltayo pay laeng, natay ni Cristo gapu kadatayo! (Taga-Roma 5:8).

Immay ti Anak ti Tao a mangbirok ken mangisalakan iti napukaw. Nagbiyag isuna a nasantuwan, ket insakripisyo na iti biyag na para kaadatayo, inted na iti biyag na tano kasta maaddaan tayo iti biyag nga agnanayon, inpaay na iti biyag na babaen iti pannaka ilansana idiyay krus tano mabayadan amin nga basol tayo, ni Kristo a naibayabay idiyay krus. Biyag ni Cristo para kadatayo. Dayta iti dakkel nga supapak iti dakkel nga ayat na kadatayo tano maaddaan tayo iti biyag nga agnanayon!

Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon. Awanen ti bukodko a kinalinteg, wen, ti kinalinteg a magun-od babaen iti panagtungpal iti Linteg. Adda kaniakon ti kinalinteg a magun-od babaen iti pammati ken ni Cristo; wen, ti kinalinteg nga agtaud iti Dios, ken maibatay iti pammati. 

“Siak ti dalan, ken ti pudno, ken ti biag; awan ti makapan iti Ama no di magna kaniak,” insungbat ni Jesus. Isu laeng ti pakasarakantayo iti pannakaisalakan. Iti entero a lubong, awan sabali a nagan nga inted ti Dios kadagiti tattao a mabalintayo a pakaisalakanan.

Ta gapu iti parabur ti Dios, naisalakantayo babaen iti pammati. Saanyo nga insalakan ti bagiyo gapu iti inaramidyo. Insagut kadakayo ti Dios ti pannakaisalakanyo tapno awan ti mangipasindayag iti daytoy. (Taga-Efeso 2:8-9)

Agbabawikayo ngarud ket agsublikay iti Dios tapno pakawanenna dagiti basbasolyo. No aramidenyo daytoy, yegto ni Apo Dios dagiti panawen a panaginanayo. Pulos a dikanto agballigi no padasem nga ilemmeng dagiti basolmo. Ipudnom ida ken agbabawika, ket kaasiannakanto ti Dios.

“Dimtengen ti aldaw,” kinunana. “Asidegen ti Pagarian ti Dios. Agbabawikayo kadagiti basbasolyo ket mamatikayo iti Naimbag a Damag.” (San Marcos 1:15)

Click here for English translation.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s